সোমবাৰে অসম আৰু মেঘালয় চৰকাৰৰ মাজত অনুষ্ঠিত হৈ পৰ্যালোচনা বৈঠক। চলিত বৰ্ষৰ ১৫ আগষ্টৰ ভিতৰত ছয়টা বিবাদিত অঞ্চলৰ ভিতৰত ৫টা অঞ্চলত চাৰিসীমাৰ খুঁটা স্থাপন কৰিব চৰকাৰে। দুয়োখন ৰাজ্যৰ মাজতে ইতিমধ্যে ছয়টা বিবাদিত অঞ্চলক লৈ চুক্তি স্বাক্ষৰ কৰা হৈছে। সোমবাৰে গুৱাহাটীত মুখ্যমন্ত্রী পর্যায়ৰ বৈঠকৰ পাছতে অসমৰ মুখ্যমন্ত্রী হিমন্ত বিশ্ব শর্মা আৰু মেঘালয়ৰ মুখ্যমন্ত্রী কনৰাড কে চাংমাই যুটীয়া সংবাদমেলত ঘোষণা কৰে।
“যি ছটা অঞ্চলৰ বাবে চুক্তি স্বাক্ষৰিত হৈছে, আমি ১৫ আগষ্টৰ ভিতৰত ইয়াৰে পাঁচটা অঞ্চলত সীমান্ত স্তম্ভ স্থাপনৰ চেষ্টা কৰিম।”
ষষ্ঠ বিবাদিত অঞ্চল পিলিংকাটাৰ সন্দৰ্ভত মুখ্যমন্ত্ৰীগৰাকীয়ে কয় যে দুয়োখন ৰাজ্যৰ সংশ্লিষ্ট উপাযুক্তই এই বিষয়ে অধিক আলোচনা কৰিবলৈ বৈঠকত মিলিত হ’ব। এই সিদ্ধান্তৰ জৰিয়তে সীমান্ত বিবাদৰ পৰ্যায়ক্ৰমে সমাধান কৰাটো দুয়োখন ৰাজ্যৰ মাজৰ সম্পৰ্কৰ এক “বৃহৎ মাইলৰ খুঁটি” সদৰি কৰে মুখ্যমন্ত্ৰীগৰাকীয়ে।
