ৰঙিয়াৰ সংগম সংঘৰ বাকৰিত অনুষ্ঠিত হৈছে সপ্তম উত্তৰ-পূব ভাৰত কু্ংফু চেম্পিয়নশ্বিপ। শনিবাৰে দ্বিতীয় দিনা খেলৰ শুভাৰম্ভণি কৰে ৰঙিয়াৰ বিধায়ক তথা সপ্তম উত্তৰ-পূব ভাৰত কুংফু চেম্পিয়নশ্বিপৰ সভাপতি ভৱেশ কলিতাই। ২৪ আগষ্ট অৰ্থাৎ আজি এই খেলৰ অন্তিমটো দিন। শনিবাৰে সভাপতি গৰাকীয়ে পতাকা উত্তোলন কৰাৰ পিছতে উত্তৰ পূব কুংফুৰ প্ৰয়াত খেলুৱৈ তথা ৰেফাৰী সকলৰ স্মৃতিত শ্বহীদ তৰ্পণ কৰে সভাপতি কলিতাৰ লগতে কাৰ্য্যকৰী সভাপতি মুকুট চৌধুৰীয়ে। আৰম্ভণিৰ কাৰ্য্যসূচীৰ পিছতে প্ৰতিযোগিতা সমূহ আৰম্ভ হয়। প্ৰতিযোগিতাত উত্তৰ পূবৰ সাতখন ৰাজ্যৰ ২৫০ গৰাকী খেলুৱৈয়ে অংশগ্ৰহণ কৰে। ২৪ আগষ্ট তথা আজিৰ সামৰণি অনুষ্ঠানত উপস্থিত থাকিব সেনাবাহিনীৰ প্ৰাক্তন জি অ চি ইন চিফ তথা সপ্তম বিত্তীয় আয়োগৰ অধ্যক্ষ ৰাণা প্ৰতাপ কলিতা, সাংসদ ভুৱনেশ্বৰ কলিতা, ৰঙিয়া সমষ্টিৰ বিধায়ক ভৱেশ কলিতা, কামৰূপ জিলা আৰক্ষী অধীক্ষক ৰঞ্জন ভূঞা। এই কথা জানিবলৈ দিয়ে অভ্যৰ্থনা সমিতিৰ সম্পাদক সত্য শংকৰ শৰ্মাই ।
