৯ জন বন্ধুৰ সৈতে ব’লবমলৈ গৈছিল বৰকুকৰীয়াৰ কংকণ দাস। ৰহস্যজনক ভাৱে ঘৰলৈ উভতিল ৮ বন্ধু, কিন্তু কংকণ দাসৰ নিথৰ দেহ পৰি ৰ’ল ২৭নং ৰাষ্ট্ৰীয় ঘাইপথৰ দাঁতিত। উদিয়ানাৰ ২৭ নং ৰাষ্ট্ৰীয় ঘাইপথৰ দাঁতিত স্থানীয় ৰাইজে প্ৰত্যক্ষ কৰিছিল কংকণ দাসৰ মৃতদেহটো। মৃত কংকণ দাসৰ দেহত আঘাতৰ চিন পোৱা গৈছে। দুখন ভৰি চিঙি যোৱা অৱস্থাত প্ৰত্যক্ষ কৰে ৰঙিয়া আৰক্ষীয়ে।
উল্লেখ্য যে কালি ভাতকুছিত ব’লবমলৈ যোৱা এজন যুৱকৰ মৃতদেহ উদ্ধাৰ হৈছিল। উদিয়ানাৰ ২৭ নং ৰাষ্ট্ৰীয় ঘাইপথৰ কাষত ৰাইজে প্ৰত্যক্ষ কৰে মৃতদেহ। পাছত ৰঙীয়া আৰক্ষীয়ে উদ্ধাৰ কৰিছিল কংকন দাস নামৰ যুৱকজনৰ মৃতদেহটো। আৰক্ষীৰ সন্দেহ, পুৱাৰ ভাগত দুৰ্ঘটনা সংঘটিত হৈ পৰি ৰৈছিল পথৰ দাঁতিত। কংকণৰ মৃত্যুক সহজভাৱে ল’ব পৰা নাই পৰিয়ালৰ লোকে। ঘটনাৰ উচিত তদন্ত কৰি দোষীক শাস্তি প্ৰদানৰ দাবী পৰিয়ালৰ।
