কামৰূপ জিলাৰ কমলপুৰৰ পুঠিমাৰীৰ পুলকেশ কাকতি নামৰ যুৱক গৰাকী মাত্ৰ ১০০ টকাতে কোটি টকীয়া ডিফেণ্ডাৰৰ গৰাকী হয়। ভাগ্যই যদি নিজক সমৰ্থন কৰে পৃথিৱীৰ কোনো শক্তিয়ে আপোনাৰ প্ৰাপ্যৰ পৰা বঞ্চিত কৰিব নোৱাৰে, সেয়া প্ৰমাণ কৰিলে কমলপুৰ ৰাজহ চক্ৰৰ অন্তৰ্গত পুঠিমাৰীৰ পুলকেশ কাকতিয়ে। মাত্ৰ এশ টকাতে ডেৰ কোটি টকাৰ মালিক হৈ গ’ল পুঠিমাৰীৰ পাচপাৰা গাঁৱৰ পুলকেশ কাকতি। সৰুৰে পৰা চাৰি চকীয়া বাহনৰ প্ৰতি আকৰ্ষিত পুলকেশৰ সপোন সাৰ্থক হ’ল। হাউলি ৰাস মহোৎসৱত আয়োজন কৰা বৰঙণি পত্ৰ খেলত লাভ কৰে প্ৰথম পুৰস্কাৰ। এশ টকাৰে ৪৬২৮৮৪ নম্বৰৰ টিকট এটা ক্ৰয় কৰিছিল আৰু ভাগ্যৰ ফলত সেই টিকটৰ নম্বৰে লাভ কৰিলে বৰঙণি পত্ৰ খেলৰ প্ৰথম পুৰস্কাৰ। শৈশৱৰ সপোন সাৰ্থক হ’ল কাকতিৰ আৰু লাভ কৰিলে কোটি টকীয়া ডিফেণ্ডাৰ বাহন।
