বিশ্বনাথত পুণৰ চলিব প্ৰশাসনৰ বুলডজাৰ।
বিশ্বনাথৰ ন’নকে জাপৰিগুৰিত উচ্ছেদ সম্পন্ন হোৱাৰ পিছত এইবাৰ বিহালী বিধান সভা সমষ্টিৰ নিজ বাঘমাৰীৰ নামপাৰা, পলকটা আদি অঞ্চলত চলিব বিশ্বনাথ জিলা প্ৰশাসনৰ উচ্ছেদ অভিযান। বিশ্বনাথ জিলা প্ৰশাসনে নতুনকৈ জাৰি কৰিলে উচ্ছেদৰ জাননী ৷ ৪৩৩ টা পৰিয়াললৈ জাৰি কৰা হৈছে উচ্ছেৰ জাননী। ২৬৫ বিঘা ৩ কঠা ১৫ লেচা মাটিত চলিব এই উচ্ছেদ অভিযান ৷ ঘৰ খালী কৰিবলৈ ১৫ দিনৰ সময় সীমা দিছে জিলা প্ৰশাসনে ৷ ইতিমধ্য এই জাননী পাই হাহাকাৰ কৰিছে সংখ্যালঘু ৰাইজে ৷ বাঘমৰা মৌজাৰ ১৮৯(VGR) আৰু ২০৩ (VGR) ডাগত চলিব উচ্ছেদ।
উচ্ছেদ চলিব লগীয়া এই অঞ্চলটোৰ ভিতৰত আছে এটা মছজিদ, এটা ঈদগাহ ময়দান আৰু এখন কৱৰস্থান। ইফালে পুণৰ সংস্থাপন নিদিলে কোনো কাৰণতে ভূমি এৰি নিদিয়ে দখলকাৰী সকলে।
