জুবিন গাৰ্গক শ্ৰদ্ধাঞ্জলী জ্ঞাপন কৰিবলৈ আৰু ন্যায় প্ৰদানৰ লক্ষ্য লৈ সুদূৰ লক্ষীমপুৰৰ পৰা পদযাত্ৰা কৰি দুজন ব্যক্তি ৰাওনা হৈছে সোনাপুৰলৈ। যোৱা ৯ নবেম্বৰ তাৰিখৰ পৰা লক্ষীমপুৰ কে.বি ৰোডৰ বেনোধৰ শইকীয়া আৰু লক্ষীমপুৰৰ শান্তিপুৰৰ মহেন্দ্ৰ গগৈ নামৰ লোক দুজনে পদযাত্ৰা কৰি কালি সন্ধ্যা উপস্থিত হয় বিশ্বনাথত।বিশ্বনাথ চাৰিআলিত এই দুজন ব্যক্তিৰ এই পদক্ষেপ দেখি ৰংমন সংঘৰ যুৱক সকলে আদৰণি জনোৱাৰ লগতে নিশাটো বিশ্বনাথতে থকা খোৱাৰ ব্যৱস্থা কৰি দিয়ে। এই দুই ব্যক্তি আজি পুৱা বিশ্বনাথৰ পৰা সোনাপুৰ অভিমূখে পুনৰ ৰাওনা হয়। এই ব্যক্তি দুগৰাকীয়ে লক্ষীমপুৰৰ পৰা সোনাপুৰলৈকে যি পদযাত্ৰা আৰম্ভ
কৰিছে তেওঁলোকৰ একমাত্ৰ উদ্দেশ্য হ’ল জুবিন গাৰ্গৰ সমাধিত শ্ৰদ্ধাঞ্জলী জ্ঞাপন কৰা আৰু অতি শীঘ্ৰে জুবিন গাৰ্গক ন্যায় প্ৰদান কৰা। আনহাতে ৰংমন সংঘৰ যুৱক সকলেও এই দুই ব্যক্তিৰ এই পদক্ষেপক শলাগ লোৱাৰ লগতে জুবিন গাৰ্গক ন্যায় প্ৰদান কৰাৰ বাবে দাবী জনাই চৰকাৰক।
