কলেষ্টেৰলৰ মাত্ৰা বৃদ্ধি হ’লে ৰক্ত সঞ্চালনত সমস্যাৰ সৃষ্টি হয়, শিৰা আৰু ধমনীত তেজ জমা হয়, যাৰ ফলত হাৰ্ট এটেকৰ সম্ভাৱনা বৃদ্ধি পায়। আনহাতে ডায়েবেটিছ বৃদ্ধি হ’লে চকু, হৃদযন্ত্ৰ আৰু বৃক্কৰ সমস্যা হ’ব পাৰে
বহু লোকে ডায়েবেটিছ আৰু কলেষ্টেৰল নিয়ন্ত্ৰণত ৰাখিবলৈ বহুত ব্যায়াম কৰে। ভাত, মিঠাই আদি বহুত খাদ্য খোৱা বন্ধ কৰিব লাগিব। আকৌ কিছুমান খাদ্য আছে, যিবোৰ কেৱল ডায়েবেটিছ, কলেষ্টেৰল হ্ৰাস কৰাত সহায় কৰাই নহয়, স্বাস্থ্যৰ বাবেও অতি গুৰুত্বপূৰ্ণ। তেনে এটা হ’ল কাজু বাদাম
কাজু বাদামত প্ৰচুৰ পৰিমাণে প্ৰটিন, আঁহ, মেংগানিজ, জিংক, তাম থাকে। প্ৰতিদিনে কেইটামান কাজু বাদাম খালে শৰীৰে পৰ্যাপ্ত পৰিমাণৰ পুষ্টিকৰ উপাদান লাভ কৰে। কিন্তু সকলোৱে কাজু খাব লাগে নেকি, প্ৰতিদিনে কাজু খোৱাটো উচিত নে নহয় বুলি প্ৰশ্ন উত্থাপন হৈছে
বহুতে বিশ্বাস কৰে যে কাজু বাদাম খালে কলেষ্টেৰল বৃদ্ধি পাব পাৰে। এই ধাৰণাটো সম্পূৰ্ণ শুদ্ধ নহয়। বিশেষজ্ঞসকলৰ মতে সীমিত পৰিমাণত কাজু বাদাম খালে স্বাস্থ্যৰ কোনো ক্ষতি নহয়
বিশিষ্ট চিকিৎসকসকলৰ মতে সীমিত পৰিমাণৰ কাজুয়ে কলেষ্টেৰল নিয়ন্ত্ৰণত সহায় কৰে। কিন্তু ঘিউ ভজা কাজু পৰিহাৰ কৰিব লাগে। ই কলেষ্টেৰলৰ মাত্ৰা বৃদ্ধি কৰিব পাৰে
সীমিত পৰিমাণত কাজু সেৱন কৰিলে শৰীৰত ৰক্তকণিকা বৃদ্ধি হয় আৰু কেলৰি বৃদ্ধি পায়। বহুতে বিশ্বাস কৰে যে অধিক কেলৰি খালে শৰীৰৰ ওজন বৃদ্ধি পায়। কিন্তু, সীমিত পৰিমাণৰ কাজু স্বাস্থ্যৰ বাবে অতি উপকাৰী
যিসকলে কামৰ সময়ত দুৰ্বল অনুভৱ কৰে তেওঁলোকৰ বাবে কাজু অতি উপকাৰী। দৈনিক কমেও ৩-৪ টা কাজু খালে শৰীৰ সক্ৰিয় হ’ব। শিশুক সক্ৰিয় কৰি ৰাখিবলৈ কাজু অতি উত্তম খাদ্য।
