টেষ্টষ্টেৰন হৰম’নৰ প্ৰভাৱত ল’ৰা পুৰুষ হৈ পৰে। সুস্থ শৰীৰৰ পৰা যৌন জীৱনত সুখ! টেষ্টষ্টেৰনে সকলো কামতে অৰিহণা যোগায়। কিন্তু বয়স বৃদ্ধিৰ লগে লগে অনিয়মিত জীৱনশৈলী, অস্বাস্থ্যকৰ খাদ্য আৰু ব্যায়ামৰ অভাৱৰ বাবে এই হৰম’নৰ নিঃসৰণ কমি যায়। তেতিয়াই বিভিন্ন সমস্যা আহি পুৰুষৰ শৰীৰত ভিৰ কৰে। গতিকে শৰীৰত এই হৰম’নৰ মাত্ৰা বজাই ৰাখিবলৈ খাদ্যৰ পৰা কেইবাটাও খাদ্য বাদ দিব লাগিব। তাৰ লগতে শাৰীৰিক ব্যায়াম আৰু অনুশাসিত জীৱন যাপন কৰাটো প্ৰয়োজনীয়। যৌন জীৱন দীঘলীয়া কৰাৰ লগতে শৰীৰটো সুস্থ কৰি ৰাখিবলৈ এই খাদ্যবোৰৰ পৰা আঁতৰি থাকিব লাগে।
সৰিয়হৰ পৰা তৈয়াৰী বহু খাদ্যত ফাইটোইষ্ট্ৰজেন নামৰ যৌগ থাকে। ইয়াৰ প্ৰভাৱে পুৰুষৰ শৰীৰত টেষ্টষ্টেৰন হৰম’নৰ নিঃসৰণত বাধা দিয়ে।
দীৰ্ঘদিন ধৰি প্ৰচেছড মাংস সেৱন কৰিলে টেষ্টষ্টেৰনৰ মাত্ৰা হ্ৰাস হ’বলৈ আৰম্ভ কৰিব। প্ৰচেছড মাংসতো ট্ৰেন্স ফেট আৰু আনচেচুৰেটেড ফেটি এচিড বেছি থাকে। ইয়াৰ উপৰিও সংৰক্ষণৰ বাবে ব্যৱহাৰ কৰা ৰাসায়নিক পদাৰ্থই শুক্ৰাণু উৎপাদনত সমস্যাৰ সৃষ্টি কৰে।
পুৰি, নুডলছৰ দৰে ৰিফাইন কাৰ্বহাইড্ৰেটযুক্ত খাদ্যইও টেষ্টষ্টেৰন নিঃসৰণ হ্ৰাস কৰে। এনে খাদ্যই মেদবহুলতাও বৃদ্ধি কৰে।
টেষ্টষ্টেৰন হৰম’নৰ বাবেও চেনি ক্ষতিকাৰক। কেক, মিঠাই, চেনিযুক্ত পানীয় পৰিহাৰ কৰাটো এটা স্বাস্থ্যকৰ অভ্যাস।
নিয়মিতভাৱে মদ্যপান কৰিলে আন ৰোগৰ লগতে টেষ্টষ্টেৰন হৰম’নৰ নিঃসৰণ কমি যায়। অবিৰতভাৱে মদ্যপান কৰিলেও যৌন জীৱনৰ বহু ক্ষতি হয়।
মদ্যপানৰ লগতে ধূমপান যৌন জীৱনৰ বাবেও ‘বিষ’। ধূমপানে শুক্ৰাণু দুৰ্বল কৰি তুলিব পাৰে। শুক্ৰাণুৰ গুণগত মানো অৱনতি ঘটে।
