বিত্ত মন্ত্ৰী নিৰ্মলা সীতাৰমণে ২৩ জুলাইত কেন্দ্ৰীয় বাজেট উপস্থাপন কৰিব। ২০২৪-২৫ বিত্তীয় বৰ্ষৰ বাজেট সেইদিনা উপস্থাপন কৰা হ’ব। কেন্দ্ৰীয় মন্ত্ৰী কিৰেন ৰিজিজুৱে শনিবাৰে এইকথা কয়। সংসদৰ বাজেট অধিৱেশন ২২ জুলাইৰ পৰা ১২ আগষ্টলৈ অনুষ্ঠিত হ’ব।
কেন্দ্ৰীয় মন্ত্ৰী কিৰেন ৰিজিজুৱে শনিবাৰে তেওঁৰ এক্স হেণ্ডেলত এই কথা জনায়। তেওঁ এই বছৰৰ ফেব্ৰুৱাৰীত অন্তৱৰ্তীকালীন বাজেট উপস্থাপন কৰিছিল। মোডী চৰকাৰ তৃতীয়বাৰৰ বাবে শাসনলৈ অহাৰ পিছত এইটো প্ৰথম বাজেট হ’ব, য’ত বিজেপিৰ সংখ্যাগৰিষ্ঠতা নাই।
যিদৰে এই বছৰৰ বাজেটে পৰৱৰ্তী পাঁচ বছৰত পথ প্ৰদৰ্শন কৰিব, সকলোৰে দৃষ্টি বাজেট অধিৱেশনত বিৰোধী শিবিৰৰ ভূমিকাৰ ওপৰতো থাকিব। ইয়াৰ উপৰিও, এই বাজেটৰ ওপৰত নিৰ্ভৰ কৰি দেশৰ সাধাৰণ লোকসকলৰ বিত্তীয় অৱস্থাৰ ছবিও স্পষ্ট হ’ব।
