অৱশেষত মুকলি আকাশৰ তললৈ সাংবাদিক দিলৱাৰ হুছেইন মজুমদাৰ। সাংবাদিক দিলৱাৰক ন্যায় প্ৰদান আদালতৰ।
বুধবাৰে কামৰূপ মুখ্য ন্যায়িক দণ্ডাধীশে জামিন প্ৰদান কৰে সাংবাদিকজনক। প্ৰথমে নাকচ কৰা হৈছিল দিলৱাৰ হুছেইন মজুমদাৰৰ জামিন আবেদন। আৰক্ষীয়ে উপযুক্ত প্ৰমাণ দিব নোৱাৰাৰ বাবে আদালতে জামিন দিয়ে সাংবাদিকজনক। নিশাটো পাণবজাৰ থানাতে কটাই সাংবাদিক দিলৱাৰ হুছেইন মজুমদাৰে। বেইল বণ্ড জমা দিব নোৱাৰাৰ বাবে জামিন লাভৰ পিছতো নিশা থানাতে থাকে সাংবাদিক দিলৱাৰ হুছেইন। আৰক্ষীয়ে প্ৰমাণ দিব নোৱাৰিলে প্ৰকৃততে কি দোষ কৰিছিল দিলৱাৰ হুছেইনে। এপেক্স বেংকৰ নিৰাপত্তাৰক্ষীক বেয়াকৈ ব্যৱহাৰ কৰাৰ দোষৰূপ কৰা হৈছিল যদিও কোনো প্ৰমাণ নোহোৱাত আদালতে ন্যায় প্ৰদান কৰে সাংবাদিকজনক।
